سهر
سهرت الليل انا لحالي
بموالي
وصورة قديمة بجوالي
حارة وجبل
وسطح بيت وملل
اراقب الشباك
استنّاك
تطل بعجل
من ورا الطاقه
بعيون مشتاقه
اجيك
اتعثر بين الحجاره
شايل الإتريك
يا ضعف أنواره
وزقاق ضيق
وبيتك في اخر الحاره
اوقف تحت شباكك
احلم بلمسه
والمس الروج في شفاتك
واسمعك
يا علك الماحي
ابوي صاحي
سهران في السطح صباحي
تبيه يقتلني
امشي يا جني
اللي تبيه مني
ما تطوله
وشهوله
كثر التمني
خلك على السطح
وخلني على الطاقه
سهرانه مشتاقه
وانت الحبيب
يكتب في هالشعر
وينثر اشواقه
لعيون عيده
وكل مسا يغني الف موال
وانا اسمع صداك
وارجع اعيده
طيب افتحي الشباك
عندي كلمتين ابغاك
باقي على الفجر ساعه
ابوك بين دخان وجراك
ولا يهمه صلاة الجماعه
ياعيده
ضاع عمري وانا اعشقك همس
كل ليلة وحتى طلوع الشمس
اليوم وبكره وأمس
وانا احلم بلمسة ايدينك
مترين بيني وبينك
وخشب شباك
بين عيني وعينك
بس ريحة العطر في ثيابك
غنجك
جمالك
شبابك
كلها معنى لعذابك
بيني وبينك
زقاق وظلام وجدار عالي
وشباك ما يقدر على ثورة خيالي
بيني وبينك ليل
وخوف
وابوك
وانا جالس هنا لحالي
----------------
ندم
لا تزعلي منّي
أنا ندمان إنّي
طعت حسادي
عادي
لو نزف دمعي
وصرت أنعي
واطوف الليل بجروحي
اسوق النجمه والغيمه
بحزني بشوقي
يا غلا روحي
روحي في دروب غيري
طيري من عش صدري
باسوي نفسي ما ادري
واشرب كاس الغدر من بدري
انا كلمه في دفتر
حرف مجروح مو اكثر
غصن يابس في بستان أيامك
وأتكسر
قمر باهت في سما ليلك
طلع عليه الفجر
واتبعثر
انا بعدك رفيق الموت
بقا انسان
يدور على النسيان
بيمحي كل ماضيكي
يبعد لأخر أرض
ويجيكي
--------
بيني وبينك اربعين عام
بيني وبينك
مدن ورمال واحلام
بيني وبينك ولد
يصارع الوقت
يسافر مع الأيام
تعرفين
من يعشقك يا عيده
لا يمكن ينام
أنا نفس الولد
اللي ينزف من وريده
حروف اسمك
ويسقيها بالدموع
عشان تفضل
أوجاعه جديده
اربعين عام
وانا نفس الولد
اللي شفتي صورته بالجريده
نجح من صف سادس
مثل الملك على كرسيه جالس
كن الصوره لكي
من دون البشر تحضنيها
اتخيلك من قبل الفجر
تروحي المكتبه تشتريها
تقولي لأصحابك
هذا حبيبي خلص ابتدائيه
وقربنا من لبس الخواتم شويه
كلها أعوام يا صديقاتي
وتشوفوا الطرحه عليه
تعالوا
شوفوا صورته في الجريده
وقولوا يا بنات
هذا الأسد من يقدر يصيده
ويمر الوقت يا ورده يا فُله
والبيت العتيق صار فِلّه
حولها سور
وغرفتك ما صارت مطلّه
على بيتي
وسيارتك تدخل البيت لا جيتي
شكلك نسيتي
الأسد في الصوره
شكلك نسيتي حكاوي البنات
عن يوم عرسك
وتركتي القصه مكسوره
بيني وبينك مدن ورمال
بس عندي سؤال
وينك
ولساتك تاخذين الجريده
بين ايدينك
----------------
لوم
من يومي
وانا يبتدي يومي
ادخل بداخلي
واقلك واصلي لومي
عاتبيني
اصرخي فيني
طيفك الخاين لا يجيني
اربعين عام
فارق النوم عيني
بس اللي حصل يا حياتي
مو بديني
كذبوا عليّ
قالوا ولد عمك خطبكِ
أخذت جرحي
وكويته من حطبكِ
وجمعت أيامي معاكي
ورحلت أبكي
زوجوك
ابعدوك
سمعت انك في تبوك
حسبي على عمك وابوك
وخالك واخوك
عصابة قرروا يعدموني
ويعدموك
وانياب حيه سمها في عظامي
ولليوم
اعاني جفاف الشوق
ومن نبع العشق ظامي
عايش بين فقدك
وطول أيامي
لا تعاتبني
انا مغدور اكثر منك يا سيدي
واللي حصل ماهو بإيدي
اربعين عام وانا افتح بريدي
ابي منك اعتذار
أو كلمتين
تشرح ايش صار
ابي اعرف انتَ بعتني
أو كل السالفة
لعبة أقدار
ليست هناك تعليقات:
إرسال تعليق